Tu âs cirût la peraule
monolengâl
torne indaûr

monolengâl

meti fûr loc.v.
Meti tun puest o di une bande esterne
esemplis
"il toc cjapât al ven metût fûr de scachiere"
gjavât fûr di "Zuìn di scacs" di Nilde Teresa Negro
meti fûr loc.v.
Slungjâ une bande dal cuarp fûr di une puarte, di un barcon e v.i.
esemplis
"so pari, lu cjapave tal braç e lu puartave disore a meti fûr il cjavut pe barconete de colombere"
gjavât fûr di "La aghe da pît la cleve" di Dino Virgili
meti fûr loc.v.
Dâ, soredut in riferiment a alc che al è tignût dentri di alc o tignût di cont
sinonims
tirâ fûr, dâ
esemplis
"la int è cussì dure di meti fûr un franc"
gjavât fûr di "Vilie di Nadâl" di Pieri Somede dai Marcs
""O che tu metis fûr cincuante mil cjartis o che tu vegnis cun nô!""
gjavât fûr di "Sul agâr" di Pieri Menis
meti fûr loc.v.
Meti alc di bevi tes tacis o alc di mangjâ tai plats e servîlu
esemplis
"dopo di vêi metût fûr un tai di vin, i disè: "Cumò bêf un sclip e po scoltimi e disimi se ti pâr che le vedi pensade juste.""
gjavât fûr di "Il muc" di Roberto Ongaro
"Marie e scjalde un pôc di lat su la plote dal spolert e lu met fûr in cuatri scudielis"
gjavât fûr di "Neveade" di Marisa Moretti
meti fûr loc.v.
Fâ lâ ator, fâ che alc al vedi distribuzion, circolazion e v.i.
esemplis
"pal mês di Jugn il guvier al varès metût fûr un gnûf tipo di monede"
gjavât fûr di "Lis leiendis di Buie" di Pieri Menis
"cuant che al jere dut pront, Graziella e à fat un biliet che e organizave une fieste e lu à metût fûr in repart li che e lavorave"
gjavât fûr di "Jo e Graziella" di Mario Beltramini
meti fûr loc.v.
Fâ che alc al tachi a jessi cognossût, savût
esemplis
"jo scometarès il cjâf che cheste e je une invenzion metude fûr a pueste de int invidiose"
gjavât fûr di "Il tor di Mueç" di Luigi Gortani
"Lis pratesis che e metin fûr di une bande e di chê altre, la pôre tremende che e àn un dal altri, la ustinazion che e mostrin ognidun tes lôr impinions e son tant in contrast che no si po viodi di ce bande che e podarès vignî une sclaride"
gjavât fûr di "Siarâ i voi par no viodi" di Josef Marchet
meti fûr loc.v.
Dî, pronunziâ
sinonims
dî, dî fûr
esemplis
"Jole, pe sorprese, no saveve scuasi meti fûr une peraule"
gjavât fûr di "Il dolfin" di Carlo Sgorlon
torne sù